Yanğın söndürüldükdən sonra ilk istək dərhal təmizliyə başlamaqdır. Amma səhv addım hisin daha dərinə hopmasına və təmizliyin daha baha başa gəlməsinə səbəb ola bilər.
İlk növbədə təhlükəsizlik
Təmizliyə yalnız müvafiq qurumlar icazə verdikdən və obyektin təhlükəsiz olduğu təsdiqləndikdən sonra başlamaq olar. Elektrik sistemi yoxlanılmalı, zədələnmiş konstruksiyalar qiymətləndirilməlidir. Sığorta varsa, təmizlikdən əvvəl zərərin şəkillərini çəkin.
Nəyi etməmək lazımdır
- Hisi yaş parça ilə silməyin — yağlı his yaxılır və səthə hopur.
- Adi məişət vasitələri ilə divarları yumayın.
- Hisli parçaları adi rejimdə yumayın — qoxu qala bilər.
- Hisli otaqda havalandırma sistemini işə salmayın — his bütün binaya yayılır.
Peşəkar təmizlik necə aparılır?
Əvvəlcə his quru üsulla, xüsusi süngər və tozsoranlarla götürülür. Sonra səthlər hisə qarşı vasitələrlə yuyulur. Son mərhələdə qoxunun azaldılması üzrə işlər görülür. Qoxunun nə qədər azalacağı materiallardan və yanğının miqyasından asılıdır, ona görə real gözləntini baxışdan sonra deyirik.
Bərk səthli mebellərin çoxu təmizlənir. Yumşaq mebel, xalça və parçalar isə ayrıca qiymətləndirilir — bəzən onları dəyişmək təmizləməkdən daha məqsədəuyğundur.
Əlaqəli xidmət